Ajab Halat the mere Ajab din raat they mere


Ajab Halat the mere Ajab din raat they mere
mager mein mutmaen tha is liye tum sath they mere

mery zar key talabgaroun kii nazrein aisey uthti thein
key lakhoun unglian theen aur hazaroun hath they mere

main ik pather ka gard alud buttt tha inn key mander mein
na dil tha na mery seeney mein na kuch jazbat they mere

kisi sey aur kia taeed ki umeed mein rakhta
wohii khamosh they jo mehram-e-halat they merey

mein jin sholoun mein jalta tha shaed tum bhi nahee samje
mera dil mukhtalif the, mukhtalif sadmat they mery

mujhe mujram bana ker rakh diya jhutey gawahoun ne
sabhii rad ho gaye jitney bhii ilzamat they mere

tasawar ban giya tasveer akhir aik din sajid
isi ka khauf tha muj ko yahee khadshat they mere

0 comments:

Post a Comment

Archives