Aqs Khushbu Hun, Bikharne Se Na Roke Koi


Aqs Khushbu Hun, Bikharne Se Na Roke Koi
Aur Bikhar Jaon Tou Mujhko Na Samaite Koi

Kaanp Uthti Hun Mein Ye Soch Ke Tanhaayi Mein
Mere Chehre Pe Tera Naam Na Parh Le Koi

Jis Tarah Khwaab Mere Hogaye Raiza Raiza
Is Tarah Se Na Kabhi Toot Ke Bikhray Koi

Mein Tou Is Din Se Hiraasaan Hun Ke Jab Hukm Milay
Khushk Phoolon Ko Kitaabon Mein Na Rakhay Koi

Ab Tou Os Raah Se Wo Shaks Guzarta Bhee Nahee
Ab Kis Umeed Pe Darwaazay Se Jhaankay Koi?

Koi Aahat, Koi Aawaaz, Koi Chaap Nahee
Dil Ki Galyaan Bardi Sunsaan Hain, Aaye Koi.

0 comments:

Post a Comment

Archives